ဩဂုတ် ၂၁ – ၂၀၂၅ SS (VOM) ထိုင်း – မြန်မာနယ်စပ်၊ အမှတ် (၂) တံတားမှာ ပိတ်မိနေတဲ့ ကုန်ပစ္စည်းတွေကို သောင်ရင်းမြစ်မှတဆင့် မြန်မာပြည်အတွင်း တင်သွင်းခွင့် ရရှိနိုင်ဖို့ ထိုင်းအာဏာပိုင်တွေနဲ့ ညှိနှိုင်းနေတယ်လို့ ကုန်သည်တွေက ပြောပါတယ်။ နေပြည်တော်က တိုက်ရိုက် ညွှန်ကြားချက်အရ ထိုင်း – မြန်မာ နယ်စပ်ကုန်သွယ်ရေးမှာ အရေးပါတဲ့ မြဝတီ – မဲဆောက်ဂိတ်မှ ထိုင်းကုန်စည်တွေ ဝင်ရောက်မှုကို နယ်စပ်ကုန်သွယ်ရေး တာဝန်ရှိသူတွေက ပိတ်ပင်ထားခြင်း ဖြစ််တယ်လို့ သိရပါတယ်။ “ပိတ်ထားတာ တလလောက်တော့ ရှိနေပြီ။ ဒါပေမယ့် ပိတ်တယ်ဆိုတာက အရင်ကတော့ သူတို့ စိစစ်တာတွေလုပ်ပြီးရင် တရက်ကို ကားအစီးရေ ၂၀၊ ၃၀ လောက် မြန်မာဘက်ခြမ်း ဝင်လို့ရနေသေးတယ်။ လုံးဝ ပိတ်ချလိုက်တာကတော့ ပြီးခဲ့တဲ့ ဩဂုတ် ၁၈…